मुंबई महाराष्ट्रातील नाशिक जिल्ह्यातील मालेगाव-मनमाड महामार्गावरील वराडे गावाजवळ सोमवारी सकाळी खासगी बस आणि पिकअप यांच्यात झालेल्या भीषण अपघातात चार प्रवाशांचा जागीच मृत्यू झाला, तर २० जण जखमी झाले. या सर्वांना मालेगाव उपजिल्हा रुग्णालयात दाखल करण्यात आले आहे.
यातील दोघांची प्रकृती गंभीर असल्याचे सांगण्यात येत आहे. या घटनेचा तपास मालेगाव पोलीस ठाण्याचे पथक करत आहे. तपासी पोलिस अधिकाऱ्यांनी सांगितले की, खासगी बस पुण्याहून मालेगावच्या दिशेने जात होती. खासगी बस वराडे गावाजवळ येताच अचानक समोरून येणाऱ्या पिकअप वाहनाला धडकली. या घटनेत चार जणांचा मृत्यू झाला असून 20 जण जखमी झाले आहेत.
घटनेची माहिती मिळताच मालेगाव पोलीस ठाण्याचे पथक घटनास्थळी पोहोचले व त्यांनी ग्रामस्थांच्या मदतीने सर्व जखमींना मालेगाव उपजिल्हा रुग्णालयात दाखल केले. या घटनेतील मृतांचे मृतदेह ताब्यात घेऊन शवविच्छेदनासाठी पाठवण्यात आले आहेत. वृत्त लिहेपर्यंत मृताची ओळख पटू शकली नाही. या घटनेचा पुढील तपास सुरू आहे.