मुंबई Amazon ने ठाणे महानगरपालिका शिक्षण विभाग आणि PeGem फाउंडेशन यांच्या सहकार्याने Amazon Think Big Spaces Initiative लाँच केले आहे. ठाण्यातील सरकारी शाळांमध्ये शाश्वत, सर्वसमावेशक डिजिटल शिक्षण व्यवस्था उपलब्ध करून देणे हा या उपक्रमाचा उद्देश आहे. या उपक्रमाचे पहिले केंद्र ठाणे महानगरपालिका शाळा क्रमांक ६५, येऊर येथे सुरू करण्यात आले.
या कार्यक्रमाला ठाणे महानगरपालिकेचे उपायुक्त श्री सचिन सांगळे, ॲमेझॉन वेब सर्व्हिसेस (AWS) – APAC DCPD चे संचालक श्री. कॅमेरॉन इव्हान्स आणि पे जॅम फाउंडेशनचे संस्थापक आणि सीईओ श्री शोएब दार यांच्यासह शाळेचे मुख्याध्यापक, शिक्षक आणि विद्यार्थी उपस्थित होते.
शिक्षकांच्या नेतृत्वाखालील Amazon Think Big Spaces आणि STEM Corners विद्यार्थ्यांसाठी हँड्स-ऑन, संगणक-आधारित शिक्षणावर लक्ष केंद्रित करतात. ठाणे महानगरपालिकेच्या नऊ शाळांमधील 900 हून अधिक विद्यार्थ्यांना याचा लाभ होणार असून विद्यार्थ्यांच्या स्थानिक कौशल्यांना वाव देण्यासाठी, विद्यार्थ्यांच्या कल्पनाशक्तीला वाव देण्यासाठी, त्यांना स्थानिक समस्या ओळखण्यास आणि तंत्रज्ञानावर आधारित उपाय शोधण्यास सक्षम करण्यासाठी संगणकीय विचार आणि डिझाइन थिंकिंगचा अभ्यासक्रमात समावेश असेल.
पायाभूत सुविधांसोबतच या उपक्रमामुळे शिक्षकांच्या कौशल्य विकासालाही महत्त्व प्राप्त झाले आहे. आयसीटी आणि इतर विषयांच्या 250 शिक्षकांना संगणक विज्ञान आणि कोडिंगचे संपूर्ण प्रशिक्षण दिले जाईल. या माध्यमातून एकूण 7,500 विद्यार्थ्यांपर्यंत पोहोचण्याचे उद्दिष्ट आहे.