मुंबई पालघरच्या जव्हार सार्वजनिक बांधकाम विभागातील कंत्राटदारांच्या सुरक्षा ठेव रकमेशी संबंधित 111 कोटी 63 लाख रुपयांच्या घोटाळ्याप्रकरणी दोन्ही मुख्य आरोपींना पुन्हा पोलिस कोठडी सुनावण्यात आली आहे.
या प्रकरणातील आरोपी नीलेश रमेश पडवळे व विभागीय लेखा कर्मचारी यज्ञेश दिनकर अंभिरे यांच्यावर बनावट सह्या करून मनीऑर्डरद्वारे सरकारी रक्कम काढण्याचा प्रयत्न केल्याचा आरोप आहे.
तपासादरम्यान दोघांनाही आधी अटक करून पोलीस कोठडीत ठेवण्यात आले, नंतर त्यांना जामीन मंजूर करण्यात आला. तपास अपूर्ण राहिल्याने आर्थिक गुन्हे शाखेने न्यायालयात धाव घेतली. आरोपींनी उच्च न्यायालयात दाखल केलेले अपील फेटाळल्यानंतर प्रथमवर्ग न्यायदंडाधिकारी, जव्हार यांनी दोघांनाही २९ डिसेंबर २०२५ पर्यंत पोलीस कोठडीत ठेवण्याचे आदेश दिले.